| | غربة الجسد صعبه لكن غربة الروح اصعب |  |
|
|
| كاتب الموضوع | رسالة |
|---|
نوارهـ
رۈحِ آلمڼٺـڍى
عڍڍ مشآرڪَآٺـيّْ : 306
Location || : -
Occupation : -
المزاج : in love
my sms : •{أحبڪ ڷۈ تحب غيري ۈتڼڛآڼي ۈتبقى بع"ـيد ..
نقاط : 165909
تاريخ التسجيل : 07/04/2009
|  موضوع: غربة الجسد صعبه لكن غربة الروح اصعب  2009-09-01, 7:37 am | |
| | |
|
 | |
نوارهـ
رۈحِ آلمڼٺـڍى
عڍڍ مشآرڪَآٺـيّْ : 306
Location || : -
Occupation : -
المزاج : in love
my sms : •{أحبڪ ڷۈ تحب غيري ۈتڼڛآڼي ۈتبقى بع"ـيد ..
نقاط : 165909
تاريخ التسجيل : 07/04/2009
| | موضوع: رد: غربة الجسد صعبه لكن غربة الروح اصعب 2009-09-01, 7:46 am | |
| ببسم الله نبدء
... الجزء الاول ...
محمد : اماة عاد قولي الى ابويي يخليني اسافر اكمل دراسة .. اقنعيه
ام حسن : يا محمد يا ولدي اذا اني ما نقادره افارقك و اخليك تروح تبغاني اقول الى ابوك
محمد : انا لله و انا اليه راجعون .. الحين انا اقنع من و اخلي من .
اماه غناتي انتين ... اقول ليكم التخصص الي ابغاه ما يندرس هنا الله يخليكم افهموني
و لا ما يهمك مستقبلي ؟؟
ام حسن : كيف ما يهمني .. بالعكس انت ولدي و اكيد يهمني ان يقولوا محمد و لد
صالح صار مهندس معماري كبير
محمد : اتوصلنا لنقطة اتفاق يعني ؟
ام حسن تضحك : هههههه طيب غناتي خلاص خلي الموضوع عليي
محمد : يعني تقدري تقنعي الوالد ؟؟
ام حسن : افا عليك اكيد اقدر علية
محمد : ابش يا الواثقين .. كل هذي ثقة ؟
ام حسن : هههههههههههه ان كيدهن عظيم
و قامت و خلت محمد ميت من الضحك على كلام امه
بعد الغداء كانوا أبو حسن وأم حسن قاعدين يشربوا شاي
فــ الأم ما تنسى ولدها أبداً
قالت إلى ابو حسن
: ويش رأيك في دراسة محمد برى ..
أبو حسن : والله أنا ما أقدر أفارقه ،، وسكت
شوية كملت أم حسن
: بس يا أبو حسن هذا مستقبل الولد وهو راغب وطامح إنه يصير مهندس
أبو حسن : والله أنا نصيحتي له يدرس هنا في ديرته بين أهله وربعه
أم حسن : صحيح ما نقدر نفارقه لكن حتى لو طلع يدرس بالخارج رآح يكون هناك ناس من الديرة ومن البلد
أبو حسن : صدقتي
أم حسن : يعني أبشر الولد ونتكل على الله
أبو حسن : على خير والله يوفقه
أم حسن : يآآآآآآآآآآآآآآآآآآآآآآآآآرب
ــــ
الليل
أم حسن : محمـــــــــــــــــــــــــــ ـــــد
محمد : هلا والله بالغالية وشمعة البيت
أم حسن : أستحت وسكتت
محمد : أماه صار ليي ساعة وآآقف جنبش بس ما قلتي ليي ليش تناديني
أم حسن : إيه والله نسيتني من كلامك الي كأنه كلام أبوك أيام شهر العسل (هههههه)
محمد : هههههههههههههههه
أم حسن : طيب يا ولدي أبوك وافق يخليك تدرس برى
محمـــد : صدق يمه
أم حسن : إيه يا ولدي صدق
محمد : أبشري يمه بالشهادة والتفوق
أم حسن : الله يوفقك يوليدي
فرح محمد وراح يبشر الربع
في الديوانيه
محمد وهو شاقه الحلق والرقص قايم عنده
تفاجأو كل اصحابه
الربع : بسم الله الرحمن الرحيم..! ويش صاير ياابو الشباب اليوم شاق البوز
فرحنا وياك
</I>
| |
|
| | |
نوارهـ
رۈحِ آلمڼٺـڍى
عڍڍ مشآرڪَآٺـيّْ : 306
Location || : -
Occupation : -
المزاج : in love
my sms : •{أحبڪ ڷۈ تحب غيري ۈتڼڛآڼي ۈتبقى بع"ـيد ..
نقاط : 165909
تاريخ التسجيل : 07/04/2009
| | موضوع: رد: غربة الجسد صعبه لكن غربة الروح اصعب 2009-09-01, 7:49 am | |
| محمد : امشوا اعشيكم على حسابي في احسن مطعم في البلد واطلب لكم كل الي تبونه
الربع : ماقلت لنا ويش صاير؟؟
محمد وبكل فرح : ابوي ابوي يالربع وافق يخليني ادرس برى
الربع : صدق والله مبروك تستاهل والله افرحنا إلك بالصراحه ونتمنى تجيب الشهاده العاليه
محمد: الله يسمع منكم
وطلع محمد واصدقائه الى المطعم و بعدين توجهو الى كرنيش الناصره
بعد الوناسة ويا الربع رجع محمد بيتهم و قام يلاعب اخته الصغيرة وردة
جاء ابوة و قام يكلمة عن السفرة شبيسوي
محمد : يبة اول باخلص اوراقي ويا السفارة بعدين استنى الفيزا متى تطلع
و اشوف متى يح وا لي اسافر و اروح
ابو حسن : على خير
ما حدهم خلصوا كلامهم الا يسمعوا
....... : حوووووووووووووووووو ... ورداااااااااااااااه ... وررررووووووووووووود
تعالي شوفي وش جايب لش
ابو حسن : وصمخ حسنوه ماكنك الكبير و هذي تصرفاتك
حسن : اوه اوه هذا الوالد هنا .. يا هلا و مرحبا في ابو حسن الغالي .. اخبارك ؟
ابو حسن : ضيع السالفة... هذا وانت الكبير و المفروض العاقل و لا و هاد مرتك و جاي بيتنا ويش تسوي
حسن : هههههههههههههه مليت منها جيت اشوف وروده القمر و جايب لها سيكل
ابو حسن : هذي بنت مو ولد جايب لها سيكل
حسن : عشان نلعب وياها له
ابو حسن : هههههه ابغى اعرف اذا انت بعدك لك باللعب شلك تتزوج ؟
حسن : افا يبه .. ما فهمتها له ؟؟ عشان اجيب ليي اولاد العب وياهم
ابو حسن : يعني اذا الله رزقك بتهد بتي ما بتلعب وياها ؟؟
حسن : اهد اولادي و لا اهد قموري ورده .. الا وينها ؟؟ اشتقت ليها يومين ما شفتها
ابو حسن : ورده اشوفها راحت الى امها .. الله يعطيك الذرية الصالحة ..
حسن ( وهو قايم ) : ان شاء الله
ابو حسن يجوده : تعال
رجع حسن قعد : هلا يبه
ابو حسن : ما تعالجتوا ؟؟ و شفتوا ويش فيكم انت و مرتك ؟؟
حسن نزل راسه : بالعكس يبه رحنا الى اكثر من دكتور و دكتوره بس كلى يقولون ما فيكم شي
ابو حسن : الله يرزقكم ان شاء الله
حسن يزفر زفره و هو يقول : ان شاء الله
و قام
حسن تضايق من الكلام و قال ليهم اخدوا السيكل وعطوه ورده
محمد:حسن وين رايح تعال
حسن:عندي شغل باروح
محمد بيلحقه
ابوحسن مسك محمد و :خليه يروح
محمد و هو مو عارف شي :أن شاء الله
...........................
حسن ركب السياره و هو مو عارف وين يروح
فر فر بسياره لين ماوصل عند البحر
نزل وجلس عند البحر
و طاحت دمعه حاره على وجنته و قام يدعي ربه بقلب محروق :
يا رب .. يا عاطي .. يا كافي .. يا شافي ... يا رب اذا مو على شاني على شان فرح اعطيها الي في بالها ما اقدر يا ربي اشوف دمعتها على خدها كل ليلة ما اقعد نص الليل الا و هي على السجاده تبكي و تصيح بقلب محروق على الاولاد يا رب ....
و كمل دعاه و مناجاته الى ربه
.............................. ......
</I> | |
|
| | |
نوارهـ
رۈحِ آلمڼٺـڍى
عڍڍ مشآرڪَآٺـيّْ : 306
Location || : -
Occupation : -
المزاج : in love
my sms : •{أحبڪ ڷۈ تحب غيري ۈتڼڛآڼي ۈتبقى بع"ـيد ..
نقاط : 165909
تاريخ التسجيل : 07/04/2009
| | موضوع: رد: غربة الجسد صعبه لكن غربة الروح اصعب 2009-09-01, 7:50 am | |
| . زينب قاعده تلبس ورده ما شافوا الا فرح تطل عليهم من الباب
فرح : شيسوون الحلوين ؟؟
زينب : البس وردة توها سابحه
فرح : وين حسن ؟
زينب : من زمان طلع بس جاب سيكل الى وردة و رجع طلع
فرح : غريبة ادق علية ما يرفع قلت اكيد هنا يلعب مع وردة اعرفه اذا قعد
وياها ينسى نفسه دقيت على علي اخويي و قلت له يجيبني عجل برسل ليه
رساله لا يرجع و ما يشوفني و يختلع
زينب : بروح اسأل محمد و باشوف وين راح رجلش
فرح : زين
...............
زينب تدق باب غرفة محمد
محمد : تفضلي زناب
زينب : محمد تدري عن حسن وين راح ؟؟
محمد : لا ليش تسألي ؟
زينب : لان فرح هنا محسبته هنا يلعب ويا وردة و تسأل عنه
محمد : لا هو طلعته متضايق ما ادري ويش فيه و ويش قال له ابويي
لكن يوم ما راح بيتهم عرفت وين راح باروح ليه اشوفه
زينب : زين و طمنى هداكي فرح خايفه لان هو ما يتأخر برى البيت بالعادة
محمد : ماعليه
................
فرح : هلا حياتي وينك خرعتني عليك
حسن : الى هالحد تخافين عليي فروح ؟
فرح : اذا ما خفت على روحي و عمري اخاف على منو ؟
حسن : يا بعد قلبي .. خلاص الحين بامر عليش و باخدش بس ما بدخل البيت بس ادق عليش اطلعي
فرح : ان شاء الله
و تجي زينب
زينب : فروح يقول محمد يدري وينه بيروح ليه الحين
فرح : لا خلاص لا يتعب روحه دق حسن عليي و طمني
زينب : الحين بروح اقول ليه لا يروح
..............
فرح تقوم من وقت من النوم سوت الفطور و جت الى حسن و تاخذ لها نشافه و تقعد على السرير و هي تضحك من قبل لا تسوي له الحركه و قامت اول تهمس في اذنه : حسون .. حسوني .. حبيبي قوم ..
يوم ما نفع هالاسلوب سوت له الحركه الي كانت في بالها لفت النشافه على بعضها لين صارت مثل الابره من فوق و قامت تحركها على اذنه لين طفش و قام
حسن : يا علي فرح .. عفر الساعه كم ؟؟
فرح و هي خايفه يهاوشها : الساعه خمس
الا بذيك الصرخه :الساعه كـــــــــــــــــــــــــــم ؟؟؟!!
فرح نزلت راسها : خمس
حسن : ويش فيش فرح انا اروح العمل سبع يعني اقلها ست قعديني مو من الحين
فرح و قريب بتصيح من صريخه : اني كنت ابغاك تقعد من وقت عشان تتصل لزينب تقول ليها تجهز ورده و تروح تجيبها ليي .. لان و الله العظيم يضيق خلقي من الصبح اقعد و ما عندي شي اسويه
و خرت لدموع
اخذ راسها و حطاه بحظنه : خلاص فروح انتي تدري اني ما اقدر اشوف هالدموع .. و بعدين تعالي بسألش
لفت انتباها و كنه صاير شي فشالت راسها من حظنه و مسحت دموعها و استنته يسأل و هي تطالع فيه
حسن : لا تطالعي .. (و خق الاخ ) نسيت السؤال
و قاموا يضحكوا هم الاثنين على هبال حسن
حسن : صدق صدق بسألش الحين انتين ما تخلص ادموعش عفر لو كل يوم تعبي الخزان ههههههه
سوت نفسها زعلانه : خلاص اذا ما بتجيب ورده ارجع نام
حسن : افا انا انام و الحلو زعلان
فرح : و من لاعب عليك و قال لك اني زعلانه
حسن : لا انا قلت الحلو ما قلت انتي
فرح : و ليش منو الحلو بالله
حسن ( باللهجه المصريه ): انت يا جميل
ولعت اخدودها فروح و اخذ يدها و طلعوا يفطروا
............
</I>
| |
|
| | |
نوارهـ
رۈحِ آلمڼٺـڍى
عڍڍ مشآرڪَآٺـيّْ : 306
Location || : -
Occupation : -
المزاج : in love
my sms : •{أحبڪ ڷۈ تحب غيري ۈتڼڛآڼي ۈتبقى بع"ـيد ..
نقاط : 165909
تاريخ التسجيل : 07/04/2009
| | موضوع: رد: غربة الجسد صعبه لكن غربة الروح اصعب 2009-09-01, 7:52 am | |
| زينب تدق باب غرفه امها و ابوها و هي مستحيه : اماه .. اماه .. اماه
ام حسن و هي تفتح الباب مختلعه : ويش صاير ؟؟
زينب : لا تخافي اماه .. ما صاير شي
ام حسن و هي تزفر زفرة راحه : ويش تبغي عجل غناتي ؟؟
زينب ارتاحت ان امها ما هزئتها : ابغى ورده البسها بيمر عليها حسن يقول فرح تبغاها تونسها
ام حسن و عورها قلبها على ولدها و مرته : على عمري .. خلاص غناتي روحي نامي انتين و اني البسها باشوف حسن
زينب : ان شاء الله
............
في مكان بعييييييييييييييييييييد
سلطان : حمد انا رايح تعبت اليوم
حمد : وين تروح يا سليطين .. ترى باخلص عنك الخمره
سلطان : ما ابغي اكثر اليوم لان بكره عندي كلاسات مهمه ضروري احظرها
حمد ( و هو يحاول انه يقعده وياه ) : شوي و تطلع الرقاصه الي عجبتك امس>>طلعوا زباين بالكزينو
سلطان : لا تقربها تراني اقطع نحرك فاهم يا بصاص
حمد : ههههههههههههه
سلطان : تصبح على خير
حمد : تقصد تتمسى على خير
................
ام حسن و هي تدق على غرفة زينب : زينب اذن الظهر .. يالله قومي
زينب : ان شاء الله .. قعدت
قامت زينب سبحت على السريع و صلت و اخذت القرآن و قرت لها جزء و طوت لمصلى و قامت
طلعت جوالها و قالت خل ادق على مريم ( مريم بنت عمها الروح بالروح وياها ) : السلام عليكم
مريم : و عليكم السلام .. هلا زنابي
زينب : هلا و الله بالريم .. و انتي كل يوم و مطلعتي اسم دلع غير .. قري على واحد
مريم : بالعكس عشان احسسش بالتجديد
زينب : هههههههههههه حلوه عجبتني تجديد
مريم : نفسي اجيش من زمان ما زرتش
زينب : تعالي و الله استحيت من كثر ما كل يوم و طابه عليكم البيت كني عامل عندكم و باقي بس المعاش
مريم : ههههههههههههه استحي من محمد
زينب : لا تستحي و لا شي اصلا صاير مطير كلى برى البيت
مريم : خلاص اليوم بعد ما اصلي المغرب بقول الى ابويي يجيبني
زينب و هي فرحانه : اللآآآآآآآآآآآآآآآه( بمعنى الله بس ممدوده خخخخ ) خلاص بجهز من الحين
مريم قامت تضحك على هبال بنت عمها و صديقتها
مريم : يالله مع السلامه
زينب : مو كني اني الي متصله
مريم : ويعني ؟؟
زينب : يعني اني الي اقول مع السلامه مو انتي
مريم : هههههههههه
...............
ابو حسن كان ياكل بالغذاء و باله ابد مو وياهم
و طبعا هالشي مو من عادته و اشوي الا قام
ام حسن : خير ابو حسن ؟؟ ما تغديت و بالك مو ويانا .. و يش فيك ؟؟
ابو حسن ابتسم : ما فيه الا الخير ..( و هو يقوم ) اذا كملتي غذاش تعالي الغرفه ابغاش
ام حسن : ان شاء الله.. استنته يدخل الغرفه و قامت على طول
محمد : وين ام حسن ؟؟ لو بس حجه ابو حسن يقول لش تعالي بتقومي تركضي وراه ؟؟ قال الش خير يعني مو صاير شي جايد ان شاء الله
و تاخذ ام حسن الملاس و ترفعه : اني كم مره قلت لك هالحركات لا تسويها
و يقوم محمد يركض من على السفره لا يجيه الملاس على ظهره
الا بدخلت حسن : الله يلعبوا صياده الحين دوري
و قاموا كلهم يضحكوا
حسن : السلام عليكم
الكل : و عليكم السلام
حسن : اخبار الغاليه مرت الغالي ؟؟؟
ام حسن : الحمد لله بخير يا بعدهم كلهم
ابو حسن طلع من الغرفه يوم سمع صوت ولده و ماحست فيه ام حسن الا هو وراها و هو يساسرها و ما سمعوا كلامه الاولاد : و انا ؟
وجه ام حسن صار كهربه مولعه
قام حسن يصفر : يعيش ابو حسن .. بعد مره صلوح و الله شكل امي تحفه و هي مستحيه
ابو حسن ولع عيونه : منو صلوح يا قليل السنع ؟؟
قام حسن و يحب راس ابوه : هههههه اسمح لي بو حسن .. نمزح و ياكم
قامت ام حسن تأشر الى ابو حسن عشان تعرف السالفه من دون ما يشوفوها اولادها
ابو حسن : ما يحتاج ام حسن .. احسن اقول الي عندي بوجود الكل
شالوا السفره و تجمعوا حول ابوهم في غرفة الجلوس نفسها غرفة التلفزيون
ابو حسن : طبعاً احنا دائماً كنا و ما زلنا ما نتعامل مع بعض الا كأصدقاء ..( و توجه الى محمد ) محمد انته كلها كم شهر و تسافر اربع سنين على الاقل اذا مو اكثر الى بلاد غربة و ما راح تقدر انت زيي اعرفك.. انا ديك السنه رحت الرياض و عشت فيها سنه من دون اهلي و انا تعبت نفسيتي و عشان نتحاشا الي صار ليي .. انا فكرة بفكرة بس طبعا القرار الاول و الاخير اليك
محمد : الا وهي ؟؟!!
و الكل يصغي الى ابو حسن بكل الجوارح
</I>
| |
|
| | |
نوارهـ
رۈحِ آلمڼٺـڍى
عڍڍ مشآرڪَآٺـيّْ : 306
Location || : -
Occupation : -
المزاج : in love
my sms : •{أحبڪ ڷۈ تحب غيري ۈتڼڛآڼي ۈتبقى بع"ـيد ..
نقاط : 165909
تاريخ التسجيل : 07/04/2009
| | موضوع: رد: غربة الجسد صعبه لكن غربة الروح اصعب 2009-09-01, 7:54 am | |
|
... الجزء الثاني ...
رقية : زينب ويش فيش اطالعين فيني واجد اليوم ؟؟ كنش اول مره تشوفيني
زينب : هااااه .. ااا . لاابد
مريم : صدق ترى حتى اني ملاحظه عليش
زينب تدزها من دون ما تشوفها رقيه
زينب : انتون تتوهموا .. مافيه شي و لا شي
و من البهدله قامت: بروح دقيقه و برجع
:
:
:
رجعت الا رقيه قايمه
زينب : وين تو الناس ؟؟
مريم تكمل : يا شمعة الجلاس
الكل : هههههه
رقيه : مأثر عليش النت خفي على روحش ...و تدور الى زينب : مهدي برى
زينب و هي تتطالع في ساعتها: هداويش حتى ساعه ما اخذتي
رقيه : مره ثانيه
سلمت عليهم و طلعت
مريم تقعد زينب جنبها
مريم : يالله قولي ليي ويش فيش تطالعي رقيه واجد
زينب : اليوم ابويي قال الى محمد انه بيخطب له وحده من بنات عمتي عشان تروح وياه مصر لانه ما بيقدر على الغربه بروحه
مريم : الله بيصير في عايلتنا عرس .. و الله شوفي على ما اسمع منش عن محمد انسب وحده اليه هي رقيه بنت عمتي
زينب : و هذا الي افكر فيه لان ابويي قال ليي اني الي اختار من بنات عمتي أي وحده لكن رقيه باقي عليها سنه ما ادري كيف بتروح ؟؟او يمكن ما توافق انها تتزوج و خاصه انه يبغاه ابويي ياخذها وياه..
مريم : صحيح .. هي باقي عليها سنه .. كيف العمل الحين ؟؟
...............
حسن مع محمد في القهوة الي متعودين يروحون ليها
حسن : ابغى اعرف الحين انت ليش ساكت ؟؟ اذا معترض على كلام الوالد قول معترض
محمد : صراحه انا مو معترض لكن
حسن : لكن شنو ؟؟
محمد : هي الفكره حلوه لكن انا كنت مفكر بعد ما اخلص جامعه اتقدم الى وحده معينه قاله و هو منزل راسه >> يستحي خخخخ
حسن يضحك بخبث : و من هالي بالقلب من زمان و ما تعلمنا عليها
محمد على طول رفع راسه مختلع من نظرة اخوه : لا حسن لا تفكر غلط
حسن يضحك : خلاص ما بفهمك غلط بس فهمني
محمد : هذا و حنى صغار كنى نلعب انا و زينب و بنات عمي ابو فاطمة تعرف انا صرت كلى و يا البنات .. فمره لعبنا انا المعرس و كوثر هي العروس .. و بعدين يوم خلصنا قالت ليي ترى اني ما بتزوج غيرك و ظلت فترة و هي تقول لي كذا لين فترة المراهقه و خلاهم عمي بعدين يتغطوا عنى و من تقريبا سبع سنين الحين و لا حتى التقيتها بس انت تسمع من عمي كل يوم و الثاني متقدم لها واحد و هي ما توافق
حسن بنظرة خبث متعمد انه يسويها : اهااااااااااا
محمد يوم شاف اخوه كذا و يتمسخر قام بيطلع عنه من القهوة
قام حسن و حط اياديه على كتوف محمد و جلسه غصب و هو يضحك : امزح اياك يا اخي .. شفيك صاير حريقه
محمد و موصل حده : لان الموضوع ما ينمزح فيه حسن
حسن : خلاص انا اكلم الوالد
و اتفقوا على كده و قاموا بعدها راحوا الى
............
</I>
| |
|
| | |
نوارهـ
رۈحِ آلمڼٺـڍى
عڍڍ مشآرڪَآٺـيّْ : 306
Location || : -
Occupation : -
المزاج : in love
my sms : •{أحبڪ ڷۈ تحب غيري ۈتڼڛآڼي ۈتبقى بع"ـيد ..
نقاط : 165909
تاريخ التسجيل : 07/04/2009
| | موضوع: رد: غربة الجسد صعبه لكن غربة الروح اصعب 2009-09-01, 7:57 am | |
|
راح محمد و يا حسن بيتهم و قعدوا في المجلس اشوي الا تجي فرح و تقعد معاهم و هي لابسه المشمر ( هي ما تتغطى عن حميها = اخو زوجها لان كانوا عايشين وياهم سنتين )
فرح : اخبارك ابو جاسم ؟؟
محمد : الحمد لله بخير .. الا قطعتينا مره وحد يا مرت اخوي ؟
فرح و هي تطالع في حسن و عيونها تتطاير شرر : اسأل اخوك .. كل ما اقول له وديني يقول ليي بعدين .. و اني ما ادق عليه الا وهو في بيتكم .. بالله عليك يبو جاسم عدله هالحركه؟؟
محمد : لا بالله مو عدله .. و انته حسنوه زي ما انت اخونا هي بعد ختنى و لا نسيت سهرات اخر الليل انا و انت و فرح و زينب نخرب البيت خراب حتى ساعات امي و ابويي يقعدوا مفزوعين ههههههه
حسن و فرح : ههههههههههههههههههه
محمد : ويش رايكم .. يوم الخميس هالاسبوع تناموا ويانا في البيت و نسترجع الذكريات.. و بشتري لينا بعد اونوا جديده هههه
حسن : و الله فكره .. و نسهر ويانا ابويي و امي بعد .. تذكر اذا خليناهم يلعبوا ويانا ؟؟
محمد : ابويي كلى يفوز علينا هههه
و صار شريط الذكريات يهل واحد ورى الثاني و لا حسوا بالوقت الا جوال محمد يرن
محمد : هلا بالعسل
امه : عسل بعينك يا قليل الحياء يا الي ما تستحي ما تقول عندي ام تحاتيني من طلعتي مبلم و لا حتى اتصل اطمنها
محمد: اسمحي لي اماه
امه : عمى بعين العدو .. ما تبغى تعرس قول بس لا تطلع و الغبنه بحلقك .. جاه اني ما اعرفك ؟؟
حسن اخذ التلفون من عند محمد يبغى يهدي امه : هلا اماه
ام حسن شبت ازياده هههه : لا و الله و انت وياه بعد .. و الله احترقت جبدي انتون تدروا الساعه كم الحين ؟؟ من خمس ساعات طالعين لا حس و لا خبر و الله طاح قلبي عليكم و خفت
حسن : خلاص اماه اهدي .. حقش علينا حنى الغلطانين
ام حسن : وين هو محمد ؟؟
حسن : هذا هو ( و يعطي محمد الجوال )
ام حسن :خلاص غناتي اني باقول الى ابوك يصرف النظر عن هالعرس
محمد : لا اماه لا تقولي اليه شي
ام حسن : خلاص تعال تعشى
محمد يطالع في فرح : اسمحي ليي اماه فرح عازمتني على العشى
فرح فكت عيونها على وسعها : و تقول له بصوت خفيف : اني؟؟؟!!!
ام حسن : خلاص غناتي اتعشى و تعال مو تتأخر عن البيت
محمد : ان شاء الله .... الله يسلمش يالغاليه
قفل محمد و فرح تكملت :الحين اني اباعشيك ؟؟
محمد يوجه الكلام الى حسن :مو انت قلت ليي فرح تعرف تسوي مكرونه بالبشمل لذيذه ؟؟
حسن : ايه قلت .. بس مو معناتها ان مرتي تطبخ لك عشان انت تحكم لذيذه لو لا
فرح : هههههه بلا مناقر جهال اعرفكم الحين السالفه كلها تنقلب عليي
بقوم اسوي لك بشمل بس اصبر ساعه بعد
محمد : بل .. اقوم اروح الى امي عجل ابرك ليي .. لو اتأخر ساعه بعد بتلاحقني بالصفاري و الملاليس
الكل : ههههههههههه
محمد : الله يكثر خيركم .. مره ثانيه ان شاء الله قبل لا اسافر ما بتشوفيني الا طاب عليش و قايل لش تسوين ليي
فرح : خلاص بعتبره وعد واي وقت تجي على العين و الراس
محمد : تسلمي فرح ما تقصري و الله راعيت اصول .. مع السلامه
حسن و فرح : الله يسلمك
طلع محمد و جت فرح تقعد جنب حسن : الا تعال ويش سالفت العرس ؟؟
قام حسن قال لها كل السالفه
...............
حمد : تعرف سليطين و الله عندكم عايله بالدور الي تحتكم عندهم بنت تطيح الطير من السماء
سلطان : الله يرحم والديك يا حمد مالي خلق على النجره مع الجيران .. خلك رجال .. هذي العماره كلها عوائل محترمه
حمد : ليش تقول كذا ؟؟ انا شقلت ؟؟
سلطان : حمد انا اعرف واحد فيك .. فلا تخليني ازعل عليك و لا تقول هالكلام مره ثانيه
حمد تلخبط و ما عرف شيقول فقام يرقع : اصلا انت الي مدري شفيك هالايام كلى ما يعجبك الكلام الي اقوله
سلطان في سره : أي و الله صار ما يعجبني .. يمكن اكتشفت اني غلط و تصرفاتي غلط و ...
حمد : هيييييي .. سلطانوه شفيك ساكت اتكلم
سلطان : انا باقوم اسبح و انام و انت كيفك بتقعد البيت بيتك و اذا بتمشي بكيفك
حمد : شفيك تو الناس .. الساعه 8 و انت تبغي اتنام ؟؟
سلطان : احس اني مصدع
حمد : اقول .. انا اروح اقابل سحوره تدلعني و تدللني ابرك لي من وجهك
سلطان : على كيفك .. تصبح على خير
دخل سلطان غرفته و صدره ضايق و حاس انه عايش بدوامه .. انا ليش اشرب ليش اسمع هالاغاني ؟؟ مو حرام ؟؟ يا الله ساعدني
و تذكر كلام ابوة ( ابو فهد ) : ياوليدي اذا سافرت للدراسه انتبه لدروسك و لا تضيع عليك و لا سنه انت داري ان انا ماخذ سلفة بس عشان دراستك و ترفع راسي ما ابغيك ترد من السفر و توطي راسي بين هالقبايل و اولاد عمك يا ولدي و اخر وصية لك ( هالله هالله بالصلاة يا ولدي هالله هالله بالصلاة )
انتبه سلطان لنفسه و دموعه تطيح على خده ما يدري هو من الخوف على نفسه لو على ابوة لو درى بالي يسويه ولده لو من الله
.................
</I> | |
|
| | |
سفيرة الغرام
لعۈب مميْز
عڍڍ مشآرڪَآٺـيّْ : 105
Occupation : -
المزاج : -حلو
my sms : فقدتك,,ياعز الناس..فقدت الحب والطيبه وانا من لي باهدنيا سسواك ان طالت الغيبه!!!رحلت ومن بقى وياي يحس بضحكتي وبكاي..حتى الجرح في بعدك يغزيني واهلي به!!!
نقاط : 161115
تاريخ التسجيل : 04/09/2009
| | موضوع: رد: غربة الجسد صعبه لكن غربة الروح اصعب 2009-12-01, 12:31 am | |
| ثآآنكس>><<نواره  | |
|
| | |
حوري
لعۈب ڼيْۈ
عڍڍ مشآرڪَآٺـيّْ : 66
Occupation : ---
المزاج : ------
نقاط : 153880
تاريخ التسجيل : 01/05/2010
| | موضوع: رد: غربة الجسد صعبه لكن غربة الروح اصعب 2010-05-04, 1:22 am | |
| | |
|
| | |
| | غربة الجسد صعبه لكن غربة الروح اصعب | |
|
Ahlamontada 
غربة الجسد صعبه لكن غربة الروح اصعب 
